Axtarışlar zamanı Yermakın telefon və notbukları götürülüb

Ukrayna Milli Antikorrupsiya Bürosu və İxtisaslaşdırılmış Antikorrupsiya Prokurorluğu əməkdaşları axtarışlar zamanı ölkə prezidenti ofisinin keçmiş rəhbəri Andrey Yermakdan bir neçə telefon və notbuk götürüblər.

BAKU.WS Oxu.Az-a istinadən xəbər verir ki, bu barədə "Ukrainskaya pravda" nəşri hüquq-mühafizə orqanlarındakı mənbələrə istinadən məlumat verib.

Qeyd edilir ki, götürülən elektron texnikanın içindəkilər müstəntiqlər tərəfindən diqqətlə öyrənilir. Axtarışlar korrupsiya qalmaqalı çərçivəsində aparılıb.

Xatırladaq ki, Yermak tutduğu vəzifədən istefa verib. Ukrayna lideri Volodimir Zelenski onun istefa ərizəsini qəbul edib.