Avropa Liqası: "Qarabağ" FCSB klubuna məğlub olaraq pley-off şansını itirib

"Qarabağ" UEFA Avropa Liqasının Liqa mərhələsinin VII turunda Rumıniyanın FCSB komandasına məğlub olub.

Tofiq Bəhramov adına Respublika stadionunda keçirilən matçda meydan sahibləri 2:3 hesabı ilə uduzublar.

Qeyd edək ki, 3 xalı olan Azərbaycan çempionu Avropa Liqasının Liqa mərhələsinin başa çaçtmasına bir tur qalmış pley-offa yüksəlmək şansını itirib.

***23:20

UEFA Avropa Liqasının Liqa mərhələsinin VII turunun "Qarabağ" - FCSB (Rumıniya) oyununda növbəti qol vurulub.

Tofiq Bəhramov adına Respublika stadionunda keçirilən matçda qonaqlar hesabda önə keçiblər - 2:3.

Rumınların heyətində 73-cü dəqiqədə Adrian Şut dubl müəllifi olub.

***22:35

UEFA Avropa Liqasının Liqa mərhələsinin VII turunun "Qarabağ" - FCSB (Rumıniya) oyununda növbəti qol vurulub.

Rəqib komanda hesabı bərabərləşdirib. Beləliklə komandalar fasiləyə heç-heçə hesabla yollanıblar.

***22:26

UEFA Avropa Liqasının Liqa mərhələsinin VII turunun "Qarabağ" - FCSB (Rumıniya) oyununda növbəti qol vurulub.

Rəqib komandanın oyunçusu öz qapısını qol vurub. 41-ci dəqiqədə qonaqların heyətində Dava Coyskim avtoqol müəllifi olub.

Beləliklə də, komandamız hesabda önə keçib.

***21:54

UEFA Avropa Liqasının Liqa mərhələsinin VII turunun "Qarabağ" - FCSB (Rumıniya) oyununda növbəti qol vurulub.

Tofiq Bəhramov adına Respublika stadionundakı matçda qonaq hesabı bərabərləşdiriblər - 1:1.

7-ci dəqiqədə Adrian Şut fərqlənib.

***21:52

UEFA Avropa Liqasının Liqa mərhələsinin VII turunun "Qarabağ" - FCSB (Rumıniya) oyununda hesab açılıb.

Tofiq Bəhramov adına Respublika stadionundakı matçın 2-i dəqiqəsində Leandro Andrade Ağdam təmsilçisini hesabda irəli çıxarıb.

***21:45

UEFA Avropa Liqasının Liqa mərhələsinin VII turunda "Qarabağ" Rumıniyanın FKSB klubu ilə qarşılaşır.

Tofiq Bəhramov adına Respublika stadionunda keçirilən görüşü Filip Qlovanın başçılıq etdiyi slovakiyalı hakimlər briqadası idarə edir.

***21:04

UEFA Avropa Liqasının Liqa mərhələsinin VII turunda baş tutacaq "Qarabağ" - FCSB (Rumıniya) matçından əvvəl komandaların start heyətləri açıqlanıb.

Tofiq Bəhramov adına Respublika stadionunda keçiriləcək oyun 21:45-də başlayacaq.

Komandalar meydana aşağıdakı heyətlə çıxacaqlar:

"Qarabağ": Fabian Buntiç, Bəhlul Mustafazadə, Mateus Silva, Kevin Medina, Elvin Cəfərquliyev, Julio Romao, Yankoviç, Leandro Andrade, Aleksey Kaşuk, Abdullah Zubir, Nəriman Axundzadə.

FCSB: Ştefan Tırnovanu, Radunoviç, Dava Coyskim, Siyabonqa Nqezana, Valentin Kreçu, Adrian Şut, Baba Alhassan, Marius Ştefenesku, Florin Tanase, David Mikelesku, Daniel Birlidca.