Yol polisi Bakıda Formula 1 tıxacını aradan qaldırmaq üçün belə çalışır - FOTO/VİDEO

Ölkəmizdə keçiriləcək "Formula 1" Qran Prisinin hazırlıqları ilə əlaqədar yollarda avtomobillərin hərəkətində müəyyən çətinliklər yaranıb.

BAKU.WS-in əməkdaşı paytaxt ərazisində avtomobillərin və piyadaların hərəkətini nizamlamağa çalışan yol polisi əməkdaşlarının fəaliyyətini lentə alıb.

Yol polisləri yollarda vəziyyəti nizamlamaq və xoşagəlməz hadisələrin qarşısını almağa çalışırlar.

Bununla yanaşı, polis əməkdaşları yollarda tıxacın nizamlanması prosesində də fəallıq nümayiş etdirirlər.

Onlar gün ərzində hərəkəti tənzimləyərək xüsusilə yolayrıclarında nəqliyyatın sıxlığının qarşısını almağa çalışırlar.

Eyni zamanda, yol polisi əməkdaşları yolu çətinliklə keçən vətəndaşlardan da öz köməklərini əsirgəmirlər.

Bakı Şəhər Dövlət Polis İdarəsinin Təbliğat üzrə İnspektoru polis leytenantı Rüstəm Əhmədli isə sürücülərə müraciət edərək onları tədbir keçirilən ərazidə və ümumi olaraq Bakı şəhəri ərazisində dayanma-durma qaydalarına riayət etməyə və nəqliyyat vasitələrini düzgün qaydada park etməyə çağırıb.