Uşaqlar Ağ ölümə "yox" deyir - VİDEO

Azərbaycan Uşaq Fondu narkotik və psixotrop vasitələrdən istifadəyə qarşı mübarizə xarakterli silsilə video çarxlar hazırlayıb. Əsas məqsəd son illər uşaqlar arasında narkotik vasitələrin geniş yayılmasını vurğulayaraq, cəmiyətin və xüsusilə də valideynlərin ayıq-sayıq olmasına diqqət çəkməkdir.

Bir çox valideynlər üçün uşaq narkomaniya problemi uzaq və qeyri-real görünür, lakin bəzi hallarda bu ağır nəticələrə gətirir. Uşaqlarda narkotik asılılığının ən çox inkişaf etdiyi yaş 13-19 arasındadır. Tədricən böyüyən uşaqlara valideyn nəzarəti getdicə azalır. Valideyn nəzarəti olmayan uşaqlar daha çox həmyaşıdları ilə, hətta tanımadığı insanlarla ünsiyyət qurmağa meyillidir, bu da ciddi problemlərə səbəb olur.

«Sevgi, qayğı, diqqətimizlə - uşaqları qoruyaq!» şüarla Azərbaycan Uşaq Fondu valideynləri uşaq narkomaniya probleminə diqqət yetirməyə çağırır.

Ağ ölümə qarşı yeniyetmələri bir araya gətirən sosial videoçarxlar Azərbaycan Respublikasının Qeyri-Hökümət Təşkilatlarına Dövtlət Dəstəyi Agentliyin dəstəyi ilə hazırlanıb. Sosial şəbəkələrdə nümayiş olunan videoçarxlar izləyicilər tərəfindən maraq və rəğbətlə qarşılanıb. Həmin sosial çarxları sizə təqdim edirik.