Azərbaycanda 845 qramlıq körpə doğuldu - FOTO/VİDEO

Azərbaycanda 845 qramlıq körpə dünyaya gəlib.

BAKU.WS xəbər verir ki, bu barədə Respublika Perinatal Mərkəzi məlumat yayıb.

Məlumatda bildirilir ki, Nargilə Əzizova 38 yaşında RPM-ə hamiləliyin 28-ci həftəsində “kəskin bətndaxili hipoksiya, dölün bətndaxili inkişaf ləngiməsi, uşaqlıq üzərində çapıq, sağrı gəlişi, talassemiya daşıyıcısı” diaqnozları ilə daxil olub:

“Qadının 7 hamiləliyindən 3 qızı var. İkisi talassemiya xəstəsidir. 02.03.2023-cü il saat 00:40-da RPM-də qeysəriyyə kəsiyi əməliyyatı ilə çəkisi 845 qram, boyu 33 sm olan oğlan uşağı dünyaya gəldi.

Uşaq yenidoğulmuşların reanimasiya şöbəsində, sonra isə patologiya şöbəsində müalicə alıb.

18.05.2023-cü il tarixdə kafi vəziyyətdə 79-cu günündə evə yola salındı. Yola salınarkən çəkisi 1450 qram olub”.

Qalereya