Usiklə Tayson Fyuri arasında revanş döyüşü keçirilib

Dekabrın 21-də Səudiyyə Ərəbistanın paytaxtı Ər-Riyadda böyük boks gecəsi keçirilib.

BAKU.WS xəbər verir ki, gecənin əsas hadisəsi superağırçəkili boksçular ukraynalı Aleksandr Usik və britaniyalı Tayson Fyuri arasında baş tutan revanş döyüşü olub.

Usik may ayında keçirilən ilk döyüşdəki kimi rəqibini bu dəfə də məğlub edərək WBC, IBO, WBO, WBA (Super) və The Ring versiyaları üzrə dünya çempionu kəmərlərini qoruyub. Döyüş 12 raund davam edib. Sonda hər üç hakim 116:112 hesabı ilə Usiki qalib elan edib.