UEFA Avropa Liqası: "Budyo Qlimt" - "Qarabağ" oyununun hakimləri bəlli olub

"Qarabağ"ın Norveçdə "Budyo Qlimt"ə qarşı keçirəcəyi UEFA Avropa Liqası matçına təyinat alan Luiş Qodinyu daha əvvəl Azərbaycan təmsilçilərinin oyununu idarə etməyib.

BAKU.WS "Report"a istinadən xəbər verir ki, 38 yaşlı FIFA referisi ilk dəfə komandalarımızın görüşündə iş başında olacaq.

Portuqaliyalı 2016-cı ildən beynəlxalq təyinat alır. O, ölkəsi ilə yanaşı, Yunanıstan, Fransa, Kipr və Səudiyyə Ərəbistanı çempionatlarına da dəvət alır.

Qeyd edək ki, UEFA Avropa Liqasının Liqa mərhələsinin IV turunun "Budyo Qlimt" - "Qarabağ" oyunu noyabrın 7-də, saat 21:45-də başlayacaq.