U-16 millisinə MARAQLI TAPŞIRIQ - Bir saat kitab oxuyurlar

Azərbaycanın U-16 milli futbol komandasında qeyri-adi bir qayda tətbiq edilib.

BAKU.WS-in məlumatına görə, baş məşqçi Aqil Nəbiyevin təşəbbüsü ilə komandanın hər toplanışı zamanı futbolçular üçün məcburi kitab oxuma saatı müəyyənləşdirilib.

Qaydaya əsasən, futbolçular hər axşam müəyyən vaxt ərzində mütaliə ilə məşğul olur. Məqsəd yalnız fiziki deyil, həm də intellektual inkişafı təşviq etmək, gənc oyunçuların dünyagörüşünü artırmaqdır.

Mütaliə saatı komanda üzvlərinin şəxsi inkişafına yönəlmiş proqramın bir hissəsi kimi həyata keçirilir.