“Spartak” Qurban Qurbanovla maraqlanır?

Futbol agenti Ramil Adıgözəlov “Leqalbet” ilə söhbətində Moskva “Spartak”ının “Qarabağ”ın baş məşqçisi Qurban Qurbanovla maraqlandığını bildirib.

“Qurban Qurbanov əla mövsüm keçirdi. Düşünürəm ki, bir çox klublar ona diqqət yetirir. “Latsio”dan, Türkiyə çempionatından söhbət gedir.

Ehtimal ki, “Spartak” da onun arxasınca düşüb. Ona böyük tələbat var və bu məntiqlidir”, - deyə Adıgözəlov bildirib.

Xatırladaq ki, bu mövsüm “Qarabağ” Avropa Liqasında ilk dəfə 1/8 final mərhələsinə yüksəlib və burada Leverkuzen “Bayer”inə uduzub.