İspaniya və Portuqaliya dünya çempionatına ev sahibliyi edə bilər

Futbol üzrə 2030-cu il dünya çempionatı İspaniya və Portuqaliyada keçirilə bilər.

BAKU.WS "Report"a istinadən xəbər verir ki, bu barədə UEFA prezidenti Aleksander Çeferin açıqlama verib.

Sloveniyalı funksioner 8 il sonrakı mundiala sözügedən ölkələrin ev sahibliyi edəcəyinə əmin olduğunu bildirib.

Qeyd edək ki, DÇ-2018 uğrunda mübarizədə Rusiyaya uduzan iki ölkəyə bu dəfə Argentina, Uruqvay, Çili və Paraqvay rəqib olacaq. Portuqaliyada indiyədək dünya çempionatı keçirilməyib.