Şahrudin Məhəmmədəliyev millinin heyətindən çıxarıldı

Şahrudin Məhəmmədəliyev Azərbaycan millisinin heyətindən çıxarılıb.

BAKU.WS AFFA-nın mətbuat xidmətinə istinadən xəbər verir ki, buna qapıçının zədələnməsi səbəb olub.

Onun əvəzinə "Səbail"in üzvü Əlirza Müştəbazadə milliyə dəvət alıb.

Qeyd edək ki, Fernandu Santuşun rəhbərlik etdiyi Azərbaycan millisi yoldaşlıq görüşündə Belarusla üz-üzə gələcək. Masazırdakı "Bank Respublika Arena"da baş tutacaq görüşün start fiti saat 21:45-də səsləndiriləcək.

Qarşılaşmanın baş hakimi gürcüstanlı Aleko Aptsiauri olacaq. Dördüncü hakim funksiyasını Tural Qurbanov yerinə yetirəcək.