Ronaldodan azarkeşlərə böyük tərbiyəsizlik! - Futboldan kənarlaşdırla bilər - FOTO

Səudiyyə Ərəbistanı Liqasının 25-ci həftəsində "Əl Hilal"ın qonağı olan Kriştiano Ronaldonun da çıxış etdiyi "Əl Nassr" klubu 2:0 hesabı ilə məğlub olaraq çempionluq yolunda daha bir zərbə alıb.

Qarşılaşma zamanı rəqibini güləşçi kimi yerə yıxan portuqaliyalı ulduz matçdan sonra Lionel Messi şüarları səsləndirən azarkeşlərə əxlaqsız hərəkətini nümayiş etdirib.

BAKU.WS xarici KİV-ə istinadən xəbər verir ki, Ronaldonun bu addımı xüsusilə də Ramazan ayı olduğu üçün bir qrup səudiyyəli futbol azarkeşinin sərt reaksiyasına səbəb olub.

Belə ki, məğlub olan futbolçu stadionu tərk edən zaman cinsi orqanından tutub. Azarkeşlər sosial şəbəkələrdə futbolçunun komandadan, hətta ölkədən göndərilməsini tələb ediblər.

Xatırladaq ki, 2003-cü ildə eyni hərəkəti edən Pascal Nouma “Beşiktaş” klubundan göndərilmiş, 7 ay futboldan uzaqlaşdırma cəzası almışdı.

Həmin cəza P.Noumanın futbolçu karyerasını bitirməyinə səbəb olmuşdu.

Qalereya