Ronaldo otelinin qapılarını zəlzələdən zərər çəkənlərə açdı

Portuqaliya millisinin və "Əl-Nəsr"in hücumçusu Kriştiano Ronaldonun Mərakeşdə yerləşən oteli ölkədə baş verən zəlzələdən zərər çəkənləri pulsuz qəbul edib.

BAKU.WS xəbər verir ki, bu barədə "Marca"nın məlumatında deyilir.

38 yaşlı forvardın "Pestana CR7 Marrakech" otelinin Mərakeşdə yerləşdiyi və 4 ulduz reytinqinə malik olduğu bildirilir. Oteldə fitness mərkəzi, restoran və açıq hovuz da var.

Xatırladaq ki, Mərakeşdə dağıdıcı zəlzələ nəticəsində 2000-dən çox insan həlak olub. Təbii fəlakət zamanı 2 059 nəfər yaralanıb. Yaralılardan 1 404-nün vəziyyəti ağırdır.