Qvardiola Çempionlar Liqası matçından sonra üzündəki cızıqlarla bağlı açıqlama yayıb

İngiltərənin "Mançester Siti" klubunun baş məşqçisi Pep Qvardiola Çempionlar Liqasında Hollandiya "Feyenoord"u ilə matçda (3:3) üzündə yaranan cızıqların səbəbini açıqlayıb.

BAKU.WS xəbər verir ki, o, bunun təsadüfən yarandığını deyib.

"Dünən gecə mətbuat konfransının sonunda üzümdə yaranan cızıqla bağlı suala hazırlıqsız yaxalandım. Bunun iti dırnaqdan təsadüf olduğunu dedim. Cavabım heç bir şəkildə özünə zərər vermə ilə bağlı çox ciddi məsələni vurğulamaq məqsədi daşımırdı".

Qvardiola sosial mediada açıqlamasında "Bir çox insanın hər gün psixi sağlamlıq problemləri ilə üzləşdiyini bilirəm" deyib.