"Qarabağ"ın əvəzedici komandasına yeni baş məşqçi təyin edilib

"Qarabağ" futbol klubunun əvəzedici komandasında yeni təyinat baş tutub.

BAKU.WS-in məlumatına görə, komandanın baş məşqçi postu klubun keçmiş kapitanı Maksim Medvedevə həvalə olunub. O, bu vəzifədə Cavad Mirzəbəylini əvəzləyib.

Medvedevin son iş yeri "Qarabağ"ın U-14 komandası olub.

Qeyd edək ki, "Qarabağ"ın əvəzedici komandası ötən mövsümü 58 xalla turnir cədvəlində 4-cü yerdə tamamlayıb.