"Qarabağ"ın Avropa Liqasındakı ilk rəqibi bu gün bəlli olacaq

Bu gün UEFA Avropa Liqasının 2026/2027 mövsümü üzrə I təsnifat mərhələsinin püşkatma mərasimi keçiriləcək.

BAKU.WS xəbər verir ki, İsveçrənin Nyon şəhərində təşkil olunacaq tədbirdə Azərbaycanın turnirdəki təmsilçisi "Qarabağ" klubunun ilk rəqibi müəyyənləşəcək.

Ağdam təmsilçisinin mümkün rəqibləri arasında Slovakiyanın "Jilina", Serbiyanın "Voyvodina", Rumıniyanın "Universitatya" (Kluj), Sloveniyanın "Aluminiy", İrlandiyanın "Derri Siti" və İslandiyanın "Vestri" komandaları yer alır.

Püşkatma mərasiminin Bakı vaxtı ilə saat 19:00-da başlaması nəzərdə tutulub.

Qeyd edək ki, UEFA Avropa Liqasının I təsnifat mərhələsinin ilk oyunları iyulun 9-da, cavab qarşılaşmaları isə iyulun 16-da keçiriləcək.