"Qarabağ" Azərbaycan Kubokunda rekord qırdı

"Qarabağ" Azərbaycan Kubokunun tarixində yeni rekorda imza atıb. Komanda turnirin finalına 12-ci dəfə yüksələrək bu göstəricidə "Neftçi"ni geridə qoyub.

BAKU.WS klubun saytına istinadən xəbər verir ki, Qurban Qurbanovun baş məşqçisi olduğu Ağdam təmsilçisi yarımfinal mərhələsində "Araz-Naxçıvan"ı mübarizədən kənarlaşdırıb – ilk oyunda 0:1 uduzan komanda cavab qarşılaşmasında 3:0 hesabı ilə qalib gəlib.

"Qarabağ" indiyədək oynadığı 11 finalın 8-də qalib gəlib. Komanda 1993, 2005/06, 2008/09, 2014/15, 2015/16, 2016/17, 2021/22 və 2023/24 mövsümlərində kuboku qazanıb. Yalnız üç dəfə – 1995/96, 1997/98 və 1999/2000 mövsümlərində finalda uduzub.