"Qalatasaray"ın stadionunun adı dəyişdirildi

"Qalatasaray" klubunun ev oyunlarını keçirdiyi "Nef stadionu"nun adı dəyişdirilib.

BAKU.WS Türkiyə mediasına istinadən xəbər verir ki, İstanbul təmsilçisi RAMS Global ilə sponsorluq çərçivəsində müqavilə imzalayıb.

"Sarı-qırmızılılar"ın stadion adı 5 il müddətinə RAMS Park olacaq.

Ad və sponsorluq müqaviləsinin imzalanma mərasimi Ali Sami Yen İdman Kompleksində baş tutub.

Görüşdə "Qalatasaray"ın prezidenti Dursun Özbek, klubun rəsmisi Erden Timur və RAMS Türkiyə CEO-su Devran Bülbül iştirak edib.

"Qalatasaray" bu müqavilə ilə 213 milyon 600 min TL qazanacaq.