"Neftçi"nin üç futbolçusu "Kəpəz"lə oyunu buraxacaq

Azərbaycan Kubokunun 1/4 final mərhələsinin cavab oyununda "Kəpəz"lə qarşılaşacaq "Neftçi"nin üç futbolçusu meydana çıxa bilməyəcək.

Klubdan verilən məlumata görə, zədələrini sağaldandan sonra hələ də tam hazır olmayan Andrey Ştoqrin və Rafael Quzzo, həmçinin səhhətində problem yaranan Robert Bauer "ağ-qaralar"a kömək edə bilməyəcəklər.

Qeyd edək ki, fevralın 28-də "Neftçi Arena"da keçiriləcək "Neftçi" – "Kəpəz" oyunu saat 19:30-da başlanacaq.