"Neftçi" ilk yoxlama oyununu Türkiyə klubuna qarşı keçirəcək - YENİLƏNİB

Türkiyənin Antalya bölgəsində təlim-məşq toplanışında olacaq "Neftçi"nin ilk yoxlama oyunu yanvarın 6-da olacaq.

BAKU.WS report-a istinadən xəbər verir ki, paytax təmsilçisi Türkiyənin 1-ci liqasında çıxış edən “Erzurumspor”la üz-üzə gələcək.

Qarşılaşma yanvarın 6-da keçiriləcək.

Qeyd edək ki, sabah Türkiyəyə yollanacaq "Neftçi"nin hazırlıq prosesi yanvarın 14-də başa çatacaq. Daha əvvəl Albaniya mətbuatı "ağ-qaralar"ın bu ölkənin "Partizani" kollektivi ilə görüşəcəyini yazmışdı.

***11:10

Yanvarın 4-də Türkiyənin Antalya bölgəsində təlim-məşq toplanışına start verəcək "Neftçi"nin yoxlama oyununda üz-üzə gələcəyi komandalardan biri dəqiqləşib.

BAKU.WS report-a istinadən xəbər verir ki, "ağ-qaralar" Albaniyanın "Partizani" kollektivi ilə üz-üzə gələcək.

Qarşılaşma yanvarın 9-da gerçəkləşəcək.

Qeyd edək ki, "Neftçi"nin hazırlıq prosesi yanvarın 14-dək davam edəcək. Paytaxt təmsilçisi bu ölkədə iki yoxlama matçı keçirməyi planlaşdırır.