Nazirlik Bakıda 1,6 milyona idman zalı tikdirir

Bakının Qaradağ rayonunun Qobustan qəsəbəsində inşası yarımçıq qalan idman zalı ilə bağlı növbəti mərhələ üçün satınalma prosesi başlayıb.

BAKU.WS-in məlumatına görə, Gənclər və İdman Nazirliyi tikinti işlərinin davam etdirilməsi məqsədilə yeni müsabiqə elan edib.

Satınalma 1 milyon 619 min manat məbləğində qiymətləndirilir.

Qobustanda idman zalının tikintisi son illər sürətlə inkişaf edən sosial infrastruktur layihələrinin tərkib hissəsi kimi qiymətləndirilir. Yeni elan olunmuş satınalma prosesinin uğurla başa çatdırılması idman obyektinin istifadəyə verilməsini daha da yaxınlaşdıracaq.

Layihə həm də gənclərin sağlam həyat tərzinə yönəlməsinə və idmanla məşğul olmaq imkanlarının genişlənməsinə töhfə verəcək.