Marselo "Qarabağ"la oyunda iştirak etməyəcək

"Olimpiakos"un ulduz futbolçusu Marselo UEFA Avropa Liqasının qrup mərhələsinin III turu çərçivəsində "Qarabağ"a qarşı keçiriləcək oyunda iştirak etməyəcək.

BAKU.WS "sportdog.gr"-a istinadən xəbər verir ki, klubun baş məşqçisi Mişel Qonsales oyunçunun 15 günə tam hazır olacağını düşünür.

Belə olan halda 34 yaşlı Marselo "Qarabağ"a qarşı cavab qarşılaşmasında çıxış edə bilər.

Qeyd edək ki, "Olimpiakos" - "Qarabağ" matçı oktyabrın 6-da Bakı vaxtı ilə saat 23:00-da "Georgios Karaiskakis" stadionunda keçiriləcək.