Konfrans Liqası: "Neftçi"nin pley-offdakı potensial rəqibləri bəlli olub

"Neftçi"nin Konfrans Liqasının pley-off mərhələsindəki potensial rəqibləri müəyyənləşib.

BAKU.WS xəbər verir ki, bu, İsveçrənin Nyon şəhərində keçirilən püşkatma mərasimində məlum olub.

Komandamız III təsnifat mərhələsində Avstriyanın "Rapid" (Vyana) klubunu üstələsə, növbəti turda "Vaduts" (Lixtenşteyn) / "Konyaspor" (Türkiyə) cütünün qalibi qarşılaşacaq.

Qeyd edək ki, pley-off mərhələsinin ilk oyunu avqustun 18-də, cavab matçı isə avqustun 25-də keçiriləcək.

Bundan başqa, "Neftçi"nin "Rapid"lə ilk görüşü isə avqustun 4-də "Bakcell Arena"da, cavab qarşılaşması avqustun 11-də səfərdə olacaq.