"Əl-Nəsr" "Real"ın ulduzuna 100 milyon təklif edir

Səudiyyə Ərəbistanın "Əl-Nəsr" klubu "Real Madrid"in almaniyalı futbolçusu Antoni Rüdigeri "radar"ına salıb.

BAKU.WS-in xəbərinə görə, bu barədə "El Chiringuito" məlumat yayıb.

Bildirilib ki, ispaniyalı mərkəz müdafiəçisi Aymerik Laport klubdan ayrılmaq üzrədir. Futbolçu İspaniyaya qayıtmaq istəyir.

Bildirilib ki, klub rəhbərliyi "Real" oyunçusu Rüdiger haqqında düşünür.

Hazırki klubu ilə 2026-cı ilə qədər müqaviləsi olan 31 yaşlı almaniyalı futbolçuya dörd illik müqavilə üçün 100 milyon avro və ya ildə 25 milyon avro təklif edilib.

Xatırladaq ki, Rüdiger 2017-ci ildən "Çelsi"də oynayıb. O, 2022-ci ildən "Real"ın şərəfini qoruyur.