Cessika Qədirova dünya çempionu oldu

Azərbaycan əsilli gimnast Cessika Qədirova dünya çempionu adını qazanıb.

BAKU.WS xəbər verir ki, Britaniya bayrağı altında çıxış edən Cessika qadınların sərbəst yarışında 14,200 xal qazanaraq dünya çempionu adını qazanıb.

İngiltərənin Liverpul şəhərində keçirilən dünya birinciliyində 2-ci yeri ABŞ təmsilçisi Cordan Çayls (13.833 xal), 3-cü yeri isə braziliyalı Rebeka Andrade (13.733 xal) tutub.

Gimnastika üzrə dünya çempionatı oktyabrın 29-da start götürüb və noyabrın 6-da bitəcək. 18 yaşlı Cessika əkiz bacısı Cenniferlə birlikdə əslən azərbaycanlıdır.

Onlar İrlandiyanın Dublin şəhərində dünyaya gəliblər və beynəlxalq yarışlarda Böyük Britaniyanı təmsil edirlər.