Azərbaycan Premyer Liqasının XXXIII turunda "Qarabağ" evdə "Sumqayıt"ı məğlub edib

Misli Premyer Liqasının XXXIII turunda "Qarabağ" evdə "Sumqayıt"ı məğlub edib.

BAKU.WS xəbər verir ki, "Azərsun Arena"da baş tutan qarşılaşma Ağdam təmsilçisinin 2:0 hesablı qələbəsi ilə yekunlaşıb.

Meydan sahiblərinin heyətində Yassin Benzia (59-cu dəqiqə) və Kadi Borqes (82-ci dəqiqə) fərqlənib.

Ötən tur çempionluğu rəsmiləşdirən "Qarabağ" bu nəticədən sonra 80 xalla turnir cədvəlinə başçılıq edir. 8-ci yerdə olan "Sumqayıt"ın isə 30 xalı var.

XXXIII tura bu gün keçiriləcək "Neftçi" - "Kəpəz" matçı ilə yekun vurulacaq.

Qeyd edək ki, turun əvvəlki görüşlərində "Zirə" evdə "Turan Tovuz"a qalib gəlib - 1:0. "Araz-Naxçıvan" - "Sabah", "Şamaxı" - "Səbail" qarşılaşmaları isə 1:1 hesabı ilə nəticələnib.