Avropa Liqası: "Tottenhem" - "Qarabağ" oyununun bilet qiymətləri bəlli olub

İngiltərədə yerli "Tottenhem" və "Qarabağ" komandaları arasında keçiriləcək UEFA Avropa Liqasının Liqa mərhələsinin I turunun matçının bilet qiymətləri bəlli olub.

BAKU.WS xəbər verir ki, bu barədə London təmsilçisinin rəsmi saytı məlumat yayıb.

Qarşılaşmanın biletləri böyüklər üçün  66,9 manat, 18 yaşdan kiçik şəxslər üçün 22,3 manat olacaq.

Biletləri setyabrın 11-də, yerli vaxtla saat 14:00-dan sonra əldə etmək mümkündür.

Qeyd edək ki, sentyabrın 26-da baş tutacaq "Tottenhem" - "Qarabağ" matçı Bakı vaxtı ilə saat 23:00-da başlayacaq.