Arda Gülərin transfer dəyərində fantastik artım

Beynəlxalq İdman Araşdırmaları Mərkəzi (CIES) futbol dünyasının ən bahalı 100 futbolçusunun siyahısını açıqlayıb.

BAKU.WS xarici mediaya xəbər verir ki, "Real"da çıxış edən Arda Güler ​​siyahıda 90-cı yerdə qərarlaşıb.

Onun transfer qiyməti 67,9 milyon avro göstərilib.

Arda ​​siyahıda yeganə türk futbolçu olub.

CIES-in açıqladığı siyahıda ən bahalı oyunçusu isə Cud Bellinqemdir. Britaniyalı ulduzun qiyməti 280,4 milyon avrodur.

Qeyd edək ki, Madrid klubunda 12 matçda forma geyinən 19 yaşlı Arda Gülər ​​6 dəfə qol sevinci yaşayıb.