Arda Gülər ehtiyatda qalmaqdan bezdi - Türkiyəyə qayıda bilər

Türkiyə millisinin və "Real Madrid"in gənc futbolçusu Arda Gülər "Fənərbağça"ya qayıda bilər.

BAKU.WS Türkiyə KİV-ə istinadən xəbər verir ki, buna səbəb 19 yaşlı yarımmüdafiəçinin Madrid təmsilçisində ehtiyatda qalmasıdır.

İstedadlı futbolçu daha çox oyun praktikası qazanmaq üçün qış transfer dövründə icarə əsasənda başqa kluba keçmək istəyir. O, artıq bu istəyini Madrid təmsilçisinin rəhbərliyinə də bildirib.

Xatırladaq ki, bir müddət öncə mətbuatda "Fənərbağça"nın Ardanı yenidən heyətinə cəlb etmək istəməsi ilə bağlı xəbərlər yayılmışdı.