Azərbaycanca 
По-русски 
English 
Haqqımızda
Araz Əhmədov: "Rəqiblər gücləndikcə Qurban Qurbanovda narahatlığın yaranması gözləniləndir"
Baku TV-nin "İdmanda nə baş verir?" podkastının növbəti buraxılışında idman jurnalisti Araz Əhmədovla Azərbaycan çempionatı haqqında müzakirə aparılıb.
O, "Qarabağ" və "Turan Tovuz" arasında baş tutan matçla bağlı fikirlərini bölüşüb:
"Bu mövsüm Ağdam klubu üçün heç də ürəkaçan olmayacaq. Çünki rəqiblər xeyli güclənib. "Turan Tovuz"da artıq sistem formalaşıb. Komanda bu gün uduzsa da, azarkeşlər məğlubiyyətdən deyil, daha çox komandanın yaxşı oyun nümayiş etdirməsindən danışırlar. "Turan Tovuz"da rəqabətədavamlı kollektiv yaranıb. Rəqiblər gücləndikcə Qurban Qurbanovda narahatlığın yaranması gözləniləndir".
Araz Əhmədov həmçinin "Zirə" klubunun hazırkı durumunu dəyərləndirib:
"Rəşad Sadıqov artıq 6 ildir ki, "Zirə"də çalışır. Bu müddət ərzində komandada sistem formalaşmayıbsa, uğur gözləməyə dəyməz. Klubun ciddi maliyyə vəsaiti sərf edərək qurduğu heyət sistemsiz fəaliyyət göstərirsə, burada günah baş məşqçidədir".
Oxşar xəbərlər
Rusiya beynəlxalq futbol yarışlarına qayıda bilər - Bu tarixdən...
Beynəlxalq Futbol Federasiyası (FİFA) təşkilatın yaxın konqresində, apreldə Rusiyanın beynəlxalq turnirlərə qayıtmasını müzakirə edəcək. BAKU.WS xəbər verir ki...
