AFFA iclas keçirdi: De Byazi zalı erkən tərk etdi

AFFA İcraiyyə Komitəsinin (İK) növbəti iclası keçirilib.

BAKU.WS oxu.az-a istinadən xəbər verir ki, iclasda Azərbaycan millisinin baş məşqçisi Canni De Byazi AVRO-2024-ün ilk iki oyunu ilə bağlı hesabat verib. Bundan əlavə, digər məsələlər də müzakirəyə çıxarılıb.

İtaliyalı mütəxəssis yığıncağı İK üzvlərindən bir saat əvvəl tərk edib. O, jurnalistlərə açıqlama vermək istəməyib.

Qəbul edilən qərarlar barədə hələlik açıqlama verilməyib.

Qeyd edək ki, Azərbaycan millisi seçmə mərhələdə Avstriyaya 1:4, İsveçə 0:5 hesabı ilə uduzub.