Azərbaycan klubu Çempionlar Liqasından kənarda qala bilər

Azərbaycan və UEFA-nın reytinqində aşağı pillədə qərarlaşan ölkələrin klubları 2020/2021 mövsümündə Çempionlar Liqasında iştirak etməyə bilər.

BAKU.WS xəbər verir ki, bu barədə "The Times" nəşri yazıb.

Nəşrin yazdığına əsasən, UEFA koronavirus pandemiyası ilə əlaqədar Çempionlar Liqası və Avropa Liqasının formatını dəyişməyi planlaşdırır.

Format dəyişəcəyi təqdirdə avrokuboklarda təsnifat mərhələləri azaldıla və ya ləğv oluna bilər. Belə olan təqdirdə Azərbaycan və reytinqdə aşağı olan ölkələr turnirdən kənarda qalacaq.