Mundiallarda baş məşqçi və futbolçu kimi ən çox oyun keçirmiş şəxslər açıqlanıb - FOTO
![Mundiallarda baş məşqçi və futbolçu kimi ən çox oyun keçirmiş şəxslər açıqlanıb - FOTO](https://baku.ws/storage/photos/thumbs/large/1666511387_fifa.webp)
Dünya çempionatlarının final mərhələlərində futbolçu və məşqçi kimi ən çox oyun keçirən şəxslər açıqlanıb.
"Report" Beynəlxalq Futbol Tarixi və Statistikaları Federasiyasının (IFFHS) rəsmi saytına istinadən xəbər verir ki, siyahının ilk pilləsində iki idman adamı qərarlaşıb.
Almaniyalı Franz Bekkanbauer və braziliyalı Mario Zaqallo həm oyunçu, həm də baş məşqçi kimi mundialların final mərhələsində hərəyə 32 oyun keçiriblər.
Bekkenbauer 18 oyunda futbolçu, 14 matçda isə baş məşqçi kimi meydana çıxıbsa, Zaqalloda bu göstərici uyğun olaraq 12 və 20-ə bərabərdir.
Hər iki futbol adamı həm oyunçu, həm də məşqçi kimi çempionluq sevinci də yaşayıblar. Bekkenbauer 1974-cü ildə futbolçu, 1990-cı ildə isə baş məşqçi kimi kuboku başı üzərinə qaldırıbsa, Zaqallo 1958 və 1962-ci ildə ardıcıl iki dəfə oyunçu, 1970-ci ildə isə məşqçi kimi bu sevinci yaşayıb.
Bu ikilidən əlavə, Didye Deşam da hər iki halda çempionluğu bayram edən şəxslərdəndir. O, 1998-ci ildə Fransa millisinin futbolçusu, 2018-ci ildə isə sözügedən komandanın baş məşqçisi kimi ən yüksək pilləyə qalxmağı bacarıb.
Ümumilikdə mundiallarda 25-dən çox oyun keçirmiş 7 nəfərdən 5-i almandır. Onlardan yalnız Yürgen Klinsman öz ölkəsindən başqa yığmaya rəhbərlik edib. Klinsman 2014-cü ildə ABŞ millisinin baş məşqçisi kimi mundialda iştirak edib.
Siyahıda Azərbaycan futboluna tanış olan sima da var. 2008-2014-cü illərdə Azərbaycan yığmasına rəhbərlik etmiş almaniyalı Berti Foqts ümumilikdə 29 oyunla (19 dəfə futbolçu, 10 dəfə baş məşqçi) siyahının 3-cü pilləsində yer alıb.
Dünya Kuboklarında həm oyunçu, həm də baş məşqçi kimi çıxış edən şəxslərdən Bekkenbauer, Zaqallo, Klinsmann, Foqts, Maradona və Henri Mişel ümumilikdə 5 dəfə bu həyəcanı yaşayıblar.
![](https://baku.ws/storage/photos/thumbs/aspect/1666511471_ftgyhujmk.webp)
Oxşar xəbərlər
44 idmançımız Olimpiadada nə vaxt çıxış edəcək? - TARİXLƏR
Bu gün Bakı vaxtı ilə saat 15:00-da Tokio Yay Olimpiya Oyunlarının açılış mərasimi keçiriləcək. Sabahdan etibarən əsas yarışlara start veriləcək. BAKU.WS "oxu.a...