Yeni təyin olunan rəis işçilərin əməkhaqlarını ödəmir?

Mədəniyyət Nazirliyinin Qarabağ Regional Mədəniyyət İdarəsindən şikayət var.

BAKU.WS oxu.az-a istinadən xəbər verir ki, bu barədə sosial şəbəkədə paylaşım edilib.

Bildirilib ki, bu yaxınlarda idarəyə yeni təyin olunan rəis Qalib Həsənov işçilərin məzuniyyət hüquqlarını pozur.

Eyni zamanda, iddia edilib ki, yeni rəis idarənin tabeliyində olan müəssisələrin əməkdaşlarının məzuniyyətə çıxmağına icazə vermir, iyul ayının əməkhaqları da ödənilməyib. Halbuki, artıq dövlət müəssisələrində avqust ayının maaşlarının ödənilməsinə başlanılır.

Məsələ barədə Mədəniyyət Nazirliyi ilə əlaqə saxladıq.

Nazirlikdən Oxu.Az-ın sorğusuna cavab olaraq bildirilib ki, yayılan məlumatlarla bağlı araşdırma aparılacaq.