ÜST-dən Azərbaycanla bağlı növbəti açıqlama: "10 gün sonra özünü büruzə verəcək"

"Azərbaycan hökuməti ictimai səhiyyə tədbirlərini zamanında görən ölkələrdən biridir. Sosial həyatın bərpa edilməsi üçün karantin rejiminin yumşaldılması üçün verdiyi qərarın tez və ya gec olmasını bir müddət sonra görəcəyik".

BAKU.WS report-a istinadən xəbər verir ki, bunu Ümumdünya Səhiyyə Təşkilatının (ÜST) Azərbaycandakı nümayəndəsi Hande Harmancı keçirdiyi onlayn brifinqdə çıxışı zamanı deyib.

O qeyd edib ki, xəstəlik sayının artması da verilən qərardan ən azı 10 gün sonra özünü büruzə verəcək:

“Tövsiyəm odur ki, əhali çölə çıxdıqda sosial məsafəni qorumalıdır. Həmçinin əllərin tez-tez yuyulması, xəstə olan halda evdən çıxılmaması vacibdir”.