Tanınmış jurnalist və ailəsi koronavirusa yoluxdu - "Ağciyərlərimdə buzlu şüşə aşkarlandı"

"Kaspi" qəzetinin baş redaktoru İlham Quliyev koronavirusa yoluxub.

BAKU.WS xəbər verir ki, Tanınmış jurnalist sosial şəbəkə hesabında koronavirusla mübarizə aparan xəstələr sırasına daxil olduğunu qeyd edib.

Jurnalistin qeydinə görə, onun ailə üzvlərində də bu virus aşkarlanıb.

Onun müalicəsi Neftçilər xəstəxanasında davam etdirilir.

"Əziz dostlar! Koronavirus infeksiyası ilə mübarizə aparan xəstələrin sırasına mən və ailə üzvlərim də qoşuldu. Kompüter tomoqrafiyası ilə aparılan müayinələr ağciyərlərimin hər iki payında buzlu şüşə aşkarladı. Müalicə "Neftçilər" xəstəxanasında davam etdirilir. Çətinliklərə və ağrılara baxmayaraq, nikbinik. Tezliklə virusla mübarizəni qazanıb, normal həyata qayıdacağımıza inanırıq. Özünüzü qoruyun!" - statusda qeyd edilib.

Allah şəfa versin!