Sürücülərin NƏZƏRİNƏ: Paytaxtın böyük küçələrindən biri iki gün ardıcıl BAĞLANACAQ

Aparılacaq təmir işləri ilə əlaqədar Xətai rayonu, Rövşən Əliyev küçəsinin Babək prospektindən Xocalı prospektinədək olan hissəsində nəqliyyat vasitələrinin hərəkəti müvəqqəti olaraq məhdudlaşdırılacaq.

BAKU.WS xəbər verir ki, bu barədə Azərbaycan Avtomobil Yolları Dövlət Agentliyi (AAYDA) məlumat yayıb.

Bildirilib ki, məhdudiyyət 24 avqust saat 22:00-dan 25 avqust saat 08:00-dək, 25 avqust saat 22:00-dan 26 avqust saat 08:00-dək tətbiq ediləcək.

"Sürücülərdən qeyd olunan müddətdə alternativ hərəkət istiqamətlərindən istifadə etmələri və aparılan təmir işlərinə anlayışla yanaşmaları xahiş olunur", - məlumatda qeyd olunub.