Son bir ayda Cəlilabadda 1 962 uşağa qızılcaya qarşı peyvənd vurulub

Cəlilabad rayonunda qızılcaya qarşı peyvənd işləri davam edir.

"Report"un Muğan bürosunun məlumatına görə, ötən ilin dekabrın 1-dən 1 962 uşağa qızılca peyvəndi (QPM) vurulub.

Qeyd edək ki, Cəlilabadda noyabr ayından etibarən 273 nəfər (18 yaşdan kiçiklər - 194 nəfər, 18 yaşdan böyüklər - 79 nəfər) şəxs bu virusa yoluxub.

Hazırda aktiv xəstə sayı 41 nəfərdir. Ötən gün daha 4 nəfər bu xəstəliyə yoluxub.