Şiş aşkarlanan Xalq artisti səhhətindən DANIŞDI

Yanvar ayında əməliyyat olunan Xalq artisti Naibə Allahverdiyevanın sinəsində şiş tapılıb.

BAKU.WS xəbər verir ki, aktrisa lent.az-a açıqlamasında hazırda özünü yaxşı hiss etdiyini bildirib:

"Sinə əməliyyatı etdirməzdən əvvəl məndə yoxlanışda heç nə görünmürdü. Amma əməliyyatda üzə çıxdı deyə, götürməli oldular. İndi yaxşıyam, önəmli bir şey yoxdur. Şükür Allaha. Səhnəyə də çıxıram, işimə də gedirəm. Soruşanlar, maraqlananlar sağ olsunlar".

Qeyd edək ki, Naibə Allahverdiyeva uzun müddət bel və kürək ağrılarından şikayətlənirdi. O, yanvarın 26-ı sinəsindən əməliyyat olunduğunu açıqlamışdı.