Qazaxıstanın Səhiyyə Nazirliyi təyyarə qəzasında xəsarət alanlarla bağlı açıqlama yayıb

Aktau yaxınlığında AZAL-ın sərnişin təyyarəsinin qəzaya uğradığı yerdən tibb müəssisələrinə xəsarət alan 29 şəxs aparılıb.

BAKU.WS xəbər verir ki, bu barədə AZƏRTAC-a Qazaxıstanın Səhiyyə Nazirliyinin mətbuat xidmətindən bildirilib.

Qeyd olunub ki, onlardan 27 nəfər Manqıstau Vilayət Xəstəxanasına çatdırılıb. Çatdırılan 27 nəfərdən 11-i reanimasiyaya yerləşdirilib.

Uşaq Xəstəxanasına 11 və 16 yaşlı iki uşaq daxil olub.