Paytaxtda yeni işıqforlar quraşdırılıb

Paytaxtın iki rayonunda yarana biləcək nəqliyyat sıxlığının və qəza şəraitinin qarşısının vaxtında alınması üçün yeni işıqforlar quraşdırılıb.

BAKU.WS xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.

Bildirilib ki, Sabunçu rayonu, Zabrat-Kürdəxanı şosesi ilə Ruslan Göyüşov küçəsinin və Suraxanı rayonu, Xanlar Ələkbərov küçəsi ilə Yeni Ramana yolunun kəsişmələrində yeni işıqforlar quraşdırılıb. Görülən işlər nəticəsində bu yollardan istifadə edən nəqliyyat vasitələrinin sərbəst hərəkəti və piyadaların təhlükəsizliyi təmin edilib.