Paytaxtda sərnişinlər kondisionerli dayanacaqdan istifadə edə bilmirlər

Metronun "Qara Qarayev" stansiyasının yaxınlığında yerləşən müasir tipli avtobus dayanacağının natəmiz vəziyyətdə olması sakinlərin narazılığına səbəb olub.

Baku TV-nin qaynar xəttinə müraciət edən vətəndaşların sözlərinə görə, bəzi evsiz şəxslər dayanacaqda gecələyirlər.

Nəticədə ərazidə antisanitar vəziyyət yaranır və kəskin üfunət səbəbindən sərnişinlər dayanacağın içərisinə daxil ola bilmirlər.

Qeyd edək ki, müasir tipli dayanacaqlar sərnişinlərin qışda soyuqdan, yayda isə istidən qorunması üçün kondisioner sistemi ilə təchiz olunub.

Lakin mövcud vəziyyətə görə vətəndaşlar dayanacağın sərin salonundan istifadə etmək əvəzinə, avtobusları qızmar günəş altında gözləmək məcburiyyətində qalırlar.