Ölkədə peyvənd olunanların sayı açıqlandı

Azərbaycanda son sutkada koronavirus (COVID-19) əleyhinə 17 574 vaksin vurulub.

BAKU.WS Nazirlər Kabineti yanında Operativ Qərargahın yaydığı məlumata istinadən xəbər verir ki, gün ərzində birinci doza vaksinlərin sayı 868, ikinci doza vaksinlərin sayı 1 729 təşkil edib.

Ölkədə üç və daha çox doza vaksinlərin sayına gəlincə, bu göstərici 14 072-dir. Pozitiv nəticədən sonra “buster” doza vaksinlərin sayı 905 olub.

Azərbaycanda bu günə qədər vurulan vaksinlərin ümumi sayı 13 303 938, birinci doza peyvəndlərin ümumi sayı 5 316 267, ikinci doza vaksinlərin sayı 4 807 323 təşkil edib. Üç və daha çox doza vaksinlərin sayı 2 959 219, pozitiv nəticədən sonra “buster” doza vaksinlərin sayı isə 221 129 olub.