Nazir Azərbaycanda qəzalı vəziyyətdə olan məktəblərin sayını açıqladı

"Azərbaycanda hər 4 məktəbdən biri təmirlidir".

BAKU.WS xəbər verir ki, bunu elm və təhsil naziri Emin Əmrullayev keçirdiyi brifinqdə deyib.

O bildirib ki, hazırda ölkədə təxminən 800-dən çox məktəb qəzalı vəziyyətdədir:

“Bu da müsbət haldır. Bu qədər məktəbi birdən-birə təmir edə bilmərik. Təmir və ya məktəb inşası mərhələli şəkildə aparılır. İlk olaraq ən böyük və daha pis vəziyyətdə olan məktəblərin bərpası plana salınır”.