Naxçıvanla quru sərhəd bərpa olunandan sonra... - 500 min insan...

"Naxçıvanla quru sərhəd bərpa olunandan sonra birinci ssenari odur ki, daxili turizm baxımından insanlar hər hansı turizm şirkətinə müraciət etmədən birbaşa özləri səfər edəcək. Bu, işğaldan azad edilmiş ərazilərə avtomobillərlə təşkil edilən səfərlərə oxşayacaq".

Bu sözləri BAKU.WS-in müxbirinə Dövlət Turizm Agentliyinin (DTA) şöbə müdiri Elgün Cavadov mediatur çərçivəsində bildirib.

DTA rəsmisi qeyd edib ki, ilin ilk yarısında işğaldan azad olunmuş ərazilərə 500 mindən çox vətəndaş səfər edib:

"Yayın ortasından sonra xarici vətəndaşlar üçün səfərlərə icazə verildi. Naxçıvanda isə bunların hər ikisi eyni vaxtda olacaq. Bu, o deməkdir ki, işğaldan azad olunmuş ərazilərdən keçməklə, Naxçıvana səfər etmək mümkün olacaq.

İlk dövrdə 500 minə qədər insanın səfər etməsi mümkündür. Amma eyni zamanda Bakı və Gəncədə yerləşən turizm şirkətlərinin müəyyən avtobuslarla Naxçıvana daxili turların təşkilini təşviq edəcək. Bu gün həmin səfərlər hava yolu ilə nisbətən baha başa gəlir. Amma quru sərhəd bərpa olunandan sonra səfərlərin təşkili daha ucuz başa gələcək. Bu, istənilən halda həm yerli turistlər, həm də xarici turistlərin Naxçıvana səfərini çox ciddi şəkildə artıracaq".

Orxan Hüseyn