Naxçıvanda dərslərin dayandırılması ilə bağlı QƏRAR VERİLDİ

2020-ci ilin mart ayının 4-dən 9-dək Naxçıvan Muxtar Respublikası Təhsil Nazirliyinin tabeliyində fəaliyyət göstərən ümumtəhsil və peşə məktəblərində tədris prosesi dayandırılıb.

BAKU.WS NUHÇIXAN-a istinadla xəbər verir ki, bu müddət ərzində həmin təhsil müəssisələrində tibbi-profilaktik və dezinfeksiyaedici tədbirlər davam etdiriləcək.

Ümumtəhsil və peşə məktəblərində tədris martın 10-da yenidən bərpa olunacaq. Bu qərar uşaq bağçalarına da aiddir.

Qeyd edək ki, bu gün ümumtəhsil və peşə məktəblərində tədris qrafika uyğun davam edib.

NUHÇIXAN-ın əldə etdiyi digər bir məlumata görə, muxtar respublikanın ali və orta ixtisas təhsil müəssisələrində dərslər tədris qrafikinə uyğun olaraq dayandırılmayacaq. Tədrislə yanaşı, müvafiq profilaktika və dezinfeksiya işləri də davam etdiriləcək.