"Murov qartalı" Raquf Orucovun oğlu Aqşin MƏZUN OLDU - FOTO

Aprel döyüşləri şəhidi, "Murov qartalı", polkovnik-leytenant Raquf Orucovun oğlu Aqşin Orucov məzun olub.

BAKU.WS xəbər verir ki, o, 4 il təhsil aldığı Azərbaycan Diplomatik Akademiyasının (ADA) Beynəlxalq Münasibətlər fakültəsini bitirib.

2018-ci ildə Orta ümumitəhsil məktəbindəki tədrisini başa vuran Aqşin, 550-yə yaxın bal toplayaraq bu Ali təhsil ocağına qəbul olub.

Qeyd edək ki, Raquf Orucov 1999-cu ildə Sevinc Alızadə ilə ailə həyatı qurub. Cütlüyün Aqşin və Nihad adlı iki övladı var.

Xatırladaq ki, Raquf Orucov 2016-cı il də Aprel döyüşləri zamanı şəhid olub. Aprelin 5-i polkovnik-leytenant son mənzilə yola salınıb. O, Sumqayıtın Şəhidlər Xiyabanında dəfn olunub. Raquf Orucov ölümündən sonra "İgidliyə görə" medalı ilə təltif edilib.