Murad Ağabəyli: "Bu il qoruqlara 432 min nəfər bilet alıb"
Yeniliklərdən dərhal xəbərdar olun
"Dövlət Turizm Agentliyinin tabeliyində olan qoruqları bu ilin yanvar-avqust aylarında 432 min nəfər bilet almaqla ziyarət edib. Eyni zamanda, bilet almadan, yəni ödənişsiz şəkildə ziyarət edənlərin sayı 100 minə yaxındır".
BAKU.WS xəbər verir ki, bu sözləri Dövlət Turizm Agentliyinin Palçıq Vulkanları Turizm Kompleksinə təşkil etdiyi mediatur zamanı Dövlət Turizm Agentliyinin qoruqların idarə etmə heyətinin sədri Murad Ağabəyli jurnalistlərə açıqlamasında deyib.
O həmçinin vurğulayıb ki, bilet alaraq ziyarət edənlərin 71%-ni xaricilər təşkil edib ki, bu da kifayət qədər yüksək rəqəmdir:
"Bilet almadan, yəni ödənişsiz şəkildə ziyarət edənlərin sayı 100 minə yaxındır. Bilet alaraq ziyarət edənlərin 71 %-ni xarici turistlərdir. Bu da kifayət qədər yüksək rəqəmdir"
Mediatur zamanı o da qeyd edilib ki, Dövlət Turizm Agentliyi tərəfindən regionlarda, eləcə də Bakıda yeni turizm məhsullarının yaradılması prosesi davam etdirilir. Həmin turizm məhsullarının hazırlanması və infrastruktur işlərinin həyata keçirilməsi demək olar ki, bütün regionlarımızda həyata keçirilir.
Məlumat üçün bildirək ki, bu gün Dövlət Turizm Agentliyi palçıq vulkanlarına mediatur təşkil edib.
Məqsəd Azərbaycanın palçıq vulkanlarının turizm baxımından imkanlarının təqdim olunması, bu ərazilərdə yaradılmış infrastruktur və ziyarətçi imkanlarına dair məlumatların çatdırılması, həmçinin Palçıq Vulkanları Turizm Kompleksinin fəaliyyəti ilə tanışlıqdır.
Zöhrə Pənahi
Oxşar xəbərlər
Məleykə Abbaszadə rektor köməkçisini işdən azad etdi
Bakı Dövlət Universitetində (BDU) kadr islahatı aparılıb. BAKU.WS "Unikal"a istinadən xəbər verir ki, bununla bağlı BDU-nun rektoru Məleykə Abbaszadə əmr imzala...