Müharibə veteranı adının verilməməsi ilə bağlı AÇIQLAMA

“Kəndə getmək mümkün deyil. Müharibə iştirakçısı gəlir ki, bax, bu mənim hərbi biletim, onun möhürü, hərbi hissənin nömrəsi və s. Ancaq mənə veteran adı verilməyib”.

BAKU.WS “Report”a istinadən xəbər verir ki, bunu parlamentin bu gün keçirilən iclasında Milli Məclisin deputatı Aqil Abbas deyib.

“Onlar veteranlara verilən 80 manatı da istəmirlər. Sadəcə onlara bu adın verilməsini istəyirlər. Hazırda veteran adının verilməsi ilə bağlı komissiya yaradılıb. Həmin komissiya bu şəxslərin də müraciətinə baxmalıdır”, - deputat bildirib.