Müharibə və 20 Yanvar hadisələri ilə əlaqədar əlilliyi olan şəxslər üçün Prezidentin təqaüdü artırılıb

Müharibə və ya 1990-cı ilin 20 Yanvar hadisələri ilə əlaqədar əlilliyi olan şəxslər üçün Azərbaycan Respublikası Prezidentinin təqaüdü artırılıb.

BAKU.WS xəbər verir ki, Prezident İlham Əliyev bununla bağlı Fərman imzalayıb.

Fərmana əsasən, 2025-ci il iyulun 1-dən Azərbaycan Respublikası Prezidentinin təqaüdünün məbləği orqanizmin funksiyalarının 81–100 faiz pozulmasına görə əlilliyi müəyyən edilmiş şəxslər üçün 500 manatdan 600 manata, orqanizmin funksiyalarının 61–80 faiz pozulmasına görə əlilliyi müəyyən edilmiş şəxslər üçün 400 manatdan 500 manata, orqanizmin funksiyalarının 31–60 faiz pozulmasına görə əlilliyi müəyyən edilmiş şəxslər üçün 330 manatrdan 400 manata qaldırılıb.